ملخص تصريحات وفاء عامر في برنامج واحد من الناس

-مش عارفة مشهدي الجرئ مع محمد رمضان في «نسر الصعيد» اتسرب إزاي.

-خلافي مع درة بسبب وضع الأسماء على تتر المسلسل.

-برفض أي حاجة ضد مبادئي، وأنا أدواري متغيرة بشكل كبير من 15 سنة.

-زوجي صعيدي جدًا، وعنده ممنوعات منها ممنوع أصاحب واحدة متعجبوش، وممنوع الملابس المكشوفة من ساعة ما إتجوزنا، ممنوع منزلش من البيت قبل ما أقوله أنا نازلة.

-بروح لطبيبة نفسية منذ 12 سنة وبنزل من عندها مرتاحة جدًا.

-كل أدواري صعبة، وسببت لي هزات نفسية، لأنني اتقمص الشخصيات.

-يوم وفاة أختي كان يوم صعب جدا، لإني حلمت في اليوم ده، وهي اتوفت، وكانت حامل في توأم.

-أحنا 5 بنات وأنا الكبيرة، وأُعتبر العمدة بتاعة البيت.

-مزعلتش من شائعة إني ام أيتن عامر لأني لو اتجوزت بدري كنت هخلف قدها.

-بدايتي مع إعلان لتحديد النسل مع القديرة كريمة مختار.

-لم أغضب من مساحة دوري الصغير في مسلسل «ناصر»، بالعكس انا اللى اخترت الشخصية .

-حصلت حركة ذكاء من جوزي محمد فوزى والسيناريست يسرى الجندى والمخرج عند عملهم على مسلسل «ناصر»، محمد أحضر السيناريو في البيت وتركه كده من غير ما يقول حاجة وبطبيعتى عندما لا أجد أي حاجة أقراها، أدور في أي حاجة، فلقيت السيناريو فقلت لمحمد فوزي مين اللى هيعمل دور أم جمال عبدالناصر، فقال لسه بندور على ممثلة، فقلت له أنا اللى هعمله، فقالى إزاى تعملى الدور وهو ٥ مشاهد، وانتى كنتى بطلة في الملك فاروق وعفريت القرش، فرديت عليه ،وأنا هنا كمان بطلة في الـ ٥ مشاهد دول .

– المشاعر والاحاسيس هي البطل والست فهيمة والدة الزعيم جمال عبدالناصر ست عظيمة فعلًا .

يذكر أن الفنانة وفاء عامر، شاركت في الماراثون الرمضاني الماضي، بـ 3 أعمال هي «جزيرة غمام» و«بيت الشدة» و«راجعين ياهوى».

The post ملخص تصريحات وفاء عامر في برنامج واحد من الناس appeared first on صورة وخبر .