وكشف النجم عمرو سعد ضيف الحلقة الجديدة من برنامج في البوكس ، خلال اللقاء عن علاقته بشقيقه المطرب أحمد سعد ، وعشق الغناء في الجامعة ، واهتمامه في الآونة الأخيرة بالرياضة التأملية المهتمة بالأسرار.
وأوضح عمرو سعد أن اهتمامه بالرياضة وبناء العضلات بدأ كجزء من التحضير لدوره ثم تحول بعد ذلك إلى ممارسة دائمة كان شغوفًا بها ، موضحًا أنه كان خجولًا جدًا خلال طفولته ونحن نتابع أبرز تصريحاته للبرنامج:
ملخص تصريحات عمرو سعيد في برنامج في البوكس
– سر ثبات شكلي ووزني؟ الكسل، أنا بسقط وفي أيام بتعدي مني في التفكير، دي أيام مش محسوبة من عمري
– أحمد سعد يطلب مني عدم نصحه، هو ماشي كويس لوحده، ويقول لي “ليه تنصحني كنت نفعت نفسك”
– فورمة العضلات كانت الأول لما أعمل دور، دلوقتي بقت جزء من حياتي، لإن الممثل لازم طول الوقت يكون جسمه فايق
– لما تاكل قليل تعرف تفكر أفضل وتشتغل بطاقة أعلى
– حضرت العرض الخاص لفيلم “المصير” ببدلة صاحبي ضياء. بدلة ضياء لفت في أفراح وعزا، ومش أنا لوحدي اللي أستلفتها
إقرأ أيضا:من هي زوجة ربيع شهاب– لا يمكن ألبس على ذوق حد، بالبس حسب دماغي وذوقي بيتغير طول الوقت
– معرفش مين رفضني في لجنة معهد السينما، وكان عندي ثقة عمياء إني نجحت
– مفيش حاجة مشتركة بيني وبين أحمد سعد غير أبويا وأمي وإخواتي، وهو بيحاول يبقى زيي عشان أنا عظيم وعالمي
– أول مرة حاولت أغني كانت على مسرح مدرسة بنات في أولى إعدادي، وفضلت ساكت لحد ما واحد قال فين أم الولد ده تاخده
– حاولت أغني في الكلية مع فرقة ضاربها السلك، الصوت ضرب وكل الفرقة سابتني
– ممكن أغير شكل شعري لو حبيبة بنتي قالت شكله وحش
– بتخلص من التوتر بزيارة السوبر ماركت، لإن شكل الفاكهة وألوانها بيعالجني
– مؤخرا بدأت أهتم باليوجا والتأمل، وده بيحققلي تسامح مع الناس وتصالح مع الذات
– ابني رامي خد مني الاعتزاز بنفسه، وعلي أخد مني حب التواجد مع الناس، وحبيبة ورثت مني الخجل الاجتماعي
– مصطفى شعبان عنده وسواس، طول الوقت والمعلقة في مية مغلية، وممكن يلبس كمامتين فوق بعض
إقرأ أيضا:أبرز تصريحات سوسن بدر في برنامج واحد من الناس
– صبا مبارك مترددة وبنت نكتة
– أسماء أبو اليزيد عندها تركيز أكثر من اللازم في الشغل
– ياسمين رئيس قنبلة ضحك وذكاء
يذكر أن عمرو سعد خاض سباق دراما رمضان 2022 بمسلسل “توبة”، وشاركه البطولة صبا مبارك، أسماء أبو اليزيد، ماجد المصري، حسن أبو الروس، انتصار ونخبة من النجوم، والمسلسل نت إخراج أحمد صالح.