حل الفنان فتحي عبد الوهاب ضيفا الليلة على برنامج AB Talks الذي يستضيفه أنس بوخش على موقع الفيديو العالمي “يوتيوب”. .
يرصد موقع صورة وخبر في هذا التقرير أبرز تصريحات الفنان فتحي عبد الوهاب في حلقته مع أنس بوخش .
تصريحات فتحي عبد الوهاب AB Talks مع أنس بوخش
– أتمنى تكون أخر كلماتي قبل ما أموت جملة في مشهد أنا بعمله
ـ مع الوقت بيصبح التدخين جزء من شخصيتك، وبيبقى أصعب حاجة في الإقلاع عن السجاير أنك بتتخلى عن الجزء دا من شخصيتك
ـ بحب خصوصيتي طبعا لأنه مش بالضرورة أن أنت تبقى نفس الصورة الذهنية اللي في ذهن الجمهور
ـ الشهرة مش حاجة وحشة، بس أنا لازم يبقى عندي الوعي اللي يفهمني أن الشهرة دي عرض للمهنة اللي أنا بمتهنها.. هي مجرد عرض.. هي مش الهدف ومش الأمل والمنتهى
ـ أنا مكنتش عايز أبقى محترف، يعني مكنش في خطتي للمستقبل أن أنا أبقى ممثل محترف
ـ صلاح عبد الله هو اللي خلاني أحب الفن، هو اللي خلاني أشعر بأن قد ايه الفن دا حاجة جميلة في حياة البني آدم
ـ صلاح عبد الله فضله كبير فنيًا عليا، وعلمني حاجات كتير جدًا
إقرأ أيضا:إصابة محسن العزاوي بجلطة دماغيةـ ابني مش ملكي.. الأبناء مش ملكية خاصة للآباء والأمهات
ـ عيشتي في الريف خليتني احب الزراعة عشان جدي كان عنده كدا جناين.. فأنا حبيت الزراعة جدا ولغاية دلوقتي
ـ الطفولة كانت عادية مفيهاش أحداث جسيمة، أكتر من أن أنا كنت بعيش مع جدتي وجدتي لأمي، لأن أنا أبويا وأمي كانوا دايما مسافرين ويمكن دا كان سبب في أنه أبقى أنا مش طفل شقي
ـ في طفولتي كنت بتواصل مع أهلي في التلفون أو بشوفهم في الاجازات
إقرأ أيضا:من هو الفنان الراحل إسماعيل ياسينـ السعادة كانت بتيجي بأمور بسيطة جدًا دلوقتي السعادة عزيزة وغالية
ـ لو اديتدني ورقة بيضة عشان ارسم عليها حاجة بتعبر عن حالتي النفسية هرسم خط مستقيم مفيهوش مطبات
ـ بشوف أن أنا بشكل ما متسرع وحكمي بيبقى عاطفي مش عقلاني في بعض المواقف، وأنا بشوف أن دا حاجة مش تمام ومش المفروض أبقى كدا
