تحدث محمد أبو جبل ، حارس مرمى منتخب مصر ونادي الزمالك ، في برنامج الحكاية مع عمرو أديب لأول مرة منذ تحقيق لقب وصيف كأس الأمم الأفريقية 2022.
تحدث أبو جبل عن طبيعة علاقته بمحمد الشناوي قائلاً:«بعد ما الشناوي اتصاب وخلصت الـ 90 دقيقة رحت اتطمن على الشناوي فهو قالي لو وصلنا ضربات جزاء انت اللي هتكسبنا وشد علشان في إكسترا تايم، ولما خسرنا النهائي والشناوي شافني مش قادر أتمالك نفسي جيه يواسيني».
إقرأ أيضا:بالأسم الجهاز الفني المساعد لتشافي في برشلونةوعن اللقطة الشهيرة في مباراة المغرب مع طبيب المنتخب قال: «من أسباب رفضي الخروج من المباراة بعد الإصابة في مباراة المغرب مش عايز أجازف بمحمد صبحي وأحمله المسؤولية لو حصل شيء في المباراة وكان عندي كمية حماس كبيرة وعايز أشيل اسم البلد».
وتابع: «بعد الإصابة في ماتش المغرب طريقة نزولي وارتفاع الرجل مع الارتطام بالأرض سمعت صوت الإصابة في العضلة الضامة لإني كنت بفكر قبل ما أنزل على الأرض إزاي أقوم تاني وآخد الكورة الثانية».
ورد أبو جبل على اتهامات البعض لعصام الحضري بالتسبب في إصابته والشناوي قائلا: «لو التمرين شديد مع عصام الحضري كنا اتصابنا في التمرين وإصابتي كانت في الملعب وفي الأول والآخر الموضوع قدري وتمرين الأربع حراس مع الحضري 25 دقيقة فقط».
وأضاف أبو جبل: «عدت علينا ظروف صعبة من ناحية المناخ ومكان الإقامة والرطوبة، ووصلت درجة الحرارة في المدينة اللي تواجدنا فيها في دور المجموعات لأكثر من 40 درجة، ومستوى الفنادق مكنش على المستوى، وأرضية ملعب النهائي وقبل النهائي بس كانت كويسة وكل الملاعب غيرها كانت سيئة، وعدد الإصابات الكبير أثر علينا».
وعن التصدي لركلات الجزاء قال: «مش تكنيك أهم حاجة تخلي اللي داخل قدمك يقلق ويفكر يغير زاويته فده بيعلي من فرص إني أصد الكورة فعلى الأقل خالص حتى لو هيشوط في نفس الزاوية مش هتكون بنفس الدقة».
إقرأ أيضا:شاهد هدف ريال مدريد الأول في ريال مايوركا اليوم في الدوري الإسبانيوكشف أبو جبل عن موقفه من اختيار إدوارد ميندي كأحسن حارس في البطولة: «أنا معنديش رأي في اختيار أحسن حارس في البطولة وحتى لو فزت باللقب مكنش هيهمني لإننا خسرنا البطولة ونظرة الحزن في عيون زمايلي تخلي مفيش ألقاب فردية فارقة.. كنت في المؤتمر الصحفي وهو ساب الاحتفال وطلب يغير معايا التيشيرت واتكلم معايا قالي انت عملت أداء هايل وركز وكمل على كده».
