صورة وخبر – طرح المطرب أحمد سعد (أحمد سعد) أغنيته الجديدة “ع الدوغري” على القناة الرسمية لموقع الفيديوهات يوتيوب ، كما شاركه المطرب مصطفى حجاج.
أغنية “ع الدوغري” من كلمات الشاعر مصطفى حسن ، وألحان محمد عبد المنعم ، ونشرها وخلطها الهامي دهيمة وأحمد حسام.
وجاءت كلمات الأغنية كالتالي:
إحنا بننحت ف الصخر وأيدينا ماتوجعناش
وبنمشي ف عز الشمس والشمس
ماتلسعناش
إحنا لو قولنا ياجري ضلنا مايحصلناش
عومان عدينا البحر والبحر ماغرقناش
الخوف مايخوفناش
فابلاش تناطحنا بلاش
بنقفل عداد من غير مانقلب نور ولا ندي فلاش.
ع الدوغري وكفاءة
سايقين الدنيا سواقه
وبنجري ومابنهداش
ع الدوغري وكفاءة
سايقين الدنيا سواقه
لو إيه مايعطلناش
إحنا التقال ف مجالنا وف مكاننا
لينا شنه ورنه وإختصاص
سكتنا عدله وسالكه وفيها بركة
جامدين قوي وضد الرصاص
نبصم ونمشي ومانتنسخشي فوق ماتقاوحشي ويا الكبار
سمعتنا نمره أولى
وآخر رجوله كراسينا ملك
ومش للإيجار
ع الدوغري وكفاءة
سايقين الدنيا سواقه
وبنجري ومابنهداش
ع الدوغري وكفاءة
سايقين الدنيا سواقه
لو إيه مايعطلناش
إحنا أسامي كبيره
وإنتوا غيره
مالكوش مابينا سيره يا أقذام
إنتوا نسيتوا إنتوا مين
إنصاص ومتساقين
وإحنا اللي في إيدينا اللجام
ندخل خناقة
آخر جراءة
جوه البطاقة مكتوب أسود
سكاكين حاميه نار
بتجري أي فار
كلمتنا أتقل من العقود
يذكر أن آخر أعمال أحمد سعد كانت أغنية “200 جنيه” التي طرحها كأغنية دعائية لفيلم “200 جنيه”، وهي من كلمات عبد الله حسن وألحان إسلام معز وتوزيع عمرو صلاح.
