الفن والفنانين

أهم تصريحات حنان مطاوع في برنامج صاحبة السعادة

أهم تصريحات حنان مطاوع في برنامج صاحبة السعادة

ظهرت الفنانة حنان مطاوع كضيفة على الفنانة إسعاد يونس في برنامج صاحبة السعادة ، حيث تطرقت إلى تفاصيل مسيرتها الفنية ، بالإضافة إلى حياتها الشخصية.

أهم تصريحات حنان مطاوع في برنامج صاحبة السعادة

– والدي توفي قبل عرض مسلسل حديث الصباح والمساء، ووالدتي دعمتني بشكل كبير علشان أنجح في المسلسل، وكانت عايزة تحقق حلمها فيا.

– وقت زيارة المخرج جلال الشرقاوي لوالدي وهو على سرير المرض، قال ليه البنت دي بتاعة فن، شيلوها من تجارة إنجليش ودخلوها معهد الفنون المسرحية.

– دخلت علمي رغم إني مش حافظة جدول الضرب، علشان بس أتمرد على والدي اللي كان عايزني أدخل أدبي، وبعدين خدت القرار وبدلت وروحت أدبي، وبقيت من أوائل المدرسة، كنت جايبة تقريبًا 80%، وكان المجموع ده كبير جدا وقتها.

– كنت بتكسف آخد من ماما مصروف، رغم إننا ما كناش محتاجين، فبالتالي حبيت أساعد ماما، رغم إنها مش محتاجة مني ده، لكن كنت بتكسف أقولها هاتي فلوس، وبالتالي حبيت خلال فترة الدراسة أترجم بالقطعة، وبقيت مُترجمة، وباخد فلوس في المقابل.

– بنتي كل يوم بنعملها أغنية جديدة، وآخر أغنية في عيد ميلادها كان اسمها سنة تالتة حياة.

– مكنتش متخيلة حجم النجاح اللي حققه مسلسل بنت القبائل، ولما بنزل الشارع بلاقي الناس بتقولي يا بنت القبائل.

إقرأ أيضا:الأسم الحقيقي للفنانة سميحة أيوب
السابق
موعد مباراة الأهلي والمقاولون العرب في ربع نهائي كأس مصر
التالي
قائمة منتخب الإمارات في مباراة الأرجنتين وكازاخستان